अनुयायी

 

रविंद्र रोकडे

अनुयायी

बाबासाहेबांचा अनुयायी मी,   अन्यायावर लाथ मारीन !                                                          

 शिक्षणाचं बाळकडू पितो मी,  अन्यायाचा घात करीन !

बाबासाहेबांचा अनुयायी मी,   विकासाचे कार्य करीन !                                                             

गरीब, दीनदुबळ्या दलितांना मी,  शिक्षणास सहाय्य करीन !

बाबासाहेबांचा अनुयायी मी,  समाजास जागृत करीन !                                                            

अमानुष रूढी, परंपरेचा विनाश करण्यासाठी, लोकास संघटीत करीन !

बाबासाहेबांचा अनुयायी मी, अयोग्य शासनप्रणालीस आव्हान करीन !                                                

लेखणी हेच माझे शस्त्र, संघर्ष मी करीन !

बाबासाहेबांचा अनुयायी मी,   स्वातंत्र्य,समता,बंधुतेचा स्विकार करीन !                                              

 लोकशाहीची शासनप्रणाली हि, अखंड भारतात राबवीन ! 

बाबासाहेबांचा अनुयायी मी, विचार त्यांचे चोहीकडे पसरवीन !                                           

न्याय, हक्क, अधिकाराचा उपभोक्ता मी,  कायद्याचे राज्य गौरवीन !    

- रविंद्र रोकडे (विलेपार्ले)